வாழ்த்துரை

வாழ்த்துரை
——----——–
மணமக்களுக்கு வாழ்த்துச் சொல்ல
மேடயேறிய தலைவர்
மெல்ல செருமியபடியே ஆரம்பித்தார்.
எதிர்கட்சியை வசைபாடியவர்
ஒ‌ன்று சொல்லிக்கொள்ள விரும்புகின்றேன்
எ‌ன்று நிறுத்தினா‌‌‌ர். நீண்ட பேச்சினூடே
மக்களுக்கு ஒ‌ன்று சொல்கிறேனென்று
வேறொன்றை சொன்னார்.
தொடர்ந்து பேசியவர்
இளைஞர்களுக்கு ஒ‌ன்று சொல்கிறேன்
சமுதாயத்துக்கு ஒ‌ன்று சொல்கிறேன்
பத்திரிகையாளர்களுக்கு ஒ‌ன்று
எ‌ன்று நீட்டிக்கொண்டே சென்றார்.
மணமக்களுக்கென்று எதுவும்
சொல்லாமலேயே கிளம்பினார்.
அந்தவொன்று என்னவெ‌ன்றும்
இறுதிவரை சொல்லவில்லை.